Hasal Tar Vachaal By Meera Sirsamkar

कोणाला, किती आणि कशा प्रमाणात उपहास, विनोद समजतो याचं प्रमाण वेगवेगळं असेल कदाचित, पण आपण स्वत:ला विनोदाचं पात्र केलं की मात्र तो विनोद लोकांना लगेच समजतो. असा विनोद समजण्याचं प्रमाण १०० आहे. पण पुन्हा यातही एखाद्या स्त्रीनं स्वत:ला विनोदाचं पात्र करून, स्वत:वरच विनोद केला तर मात्र, तो विनोद ५० लोकांनाच कळतो! बाकीचे ५० लोक त्या स्त्रीला समजावत असतात, `ताई असं नाही ..तसं नाही .. होतं असं कधी कधी! जाऊ द्या ना, वाईट वाटून घेऊ नका`.....तेव्हा मात्र हसावं का रडावं ते कळत नाही. काही का असेना- हसण्याचा मार्ग मात्र फार सोयीचा असतो. आजच्या धकाधकीच्या जीवनात `हसाल तर वाचाल`!