Ghadyalche Hath Ani Tableche Paay By Avita Mahajan

इतकी कामं करायला मला काही दहा हात नाहीयेत. सगळे जण चटाचटा पाय उचला आणि या माझ्या मदतीला.” आई कधीकधी म्हणते. मग आई, बाबा, आजी, आजोबा आणि मैत्रेयी अशा पाच जणांचे मिळून खरोखरच दहा हात होतात आणि सगळी कामं पटापटा होतात. पाय जास्त काम करतात की हात जास्त कामं करतात? हातच जास्त कामं करत असणार! हात लिहितात, चित्रं काढतात, वाद्यं वाजवतात, स्वयंपाक करतात, घर स्वच्छ करतात, ऑपरेशन करतात, झाडांना पाणी घालतात… बापरे… कित्ती कामं! आणि पाय चालतात, पळतात, फुटबॉल खेळतात, नाचतात, लाथा मारतात… म्हणजे पायही महत्त्वाचे आहेतच. पण आई जसं दहा हात हवेत म्हणते तसं कधी दहा पाय हवेत असं मात्र कधीच का नाही म्हणत ?